نهر الاحزان

موضوع: نهر الاحزان السبت أغسطس 21, 2010 5:23 am

نهر الاحزان

صاب الهدف قلبي وإختارك إنتي
ليت الهدف صاب بماضي سنينه

يا نهر الحــزن خِذ معك صمتي
يمكــــن لك يبـوح بدمعه حزينه

قله تأخر وأخلف الوقت وقتــــي
ليت الزمن يرجع شويه ويجينه

كان القدر قاسي وإنتي ظلمتــي
خل القدر يقسى وإنتي إرحمينه

عيون الحزن ليه بدمعك غرقتي؟
نهر الحزن صار يبكي لحنينـــه

صمتــك يبكيه ولدمعك نثرتي!!
يا عيونـي والله بدمعــك شقيـنه

صمتي تعب وأدري يا دمعه تعبتي
غيــــر الشقى منك قولي شخذينـه؟

الله يجازيك يـــــوم للحسن شفتـــي
هموم وحزن وأشواق هو ما جنينه

إجني ثمـــــــار الحب ياللي نظرتي
أبي أتعبك ويــــــاي لــو تتعبينــــه

وإلا إرحلي عني ويعني رحلتـــــي
وين الحبيب اليـــــوم اللي تبينــــه؟

نرحل أنا وياك ياللي دفنتــــــــــــي
بين الجفون إنسان شخصٍ هوينـــه

خـــــل نبتعد عنهم دامـــك لبستـــي
ثــــوب الدموع الحين!! لا تكشفينه

خـــل نبتعد أرجوك دامك سرقتــــي
ملامحه معنا بدمعه حزينـــــــــــــه

ثم أحضن إحساسه يا دمعه نشفتـي
وأبي أرحل لأبعد شاطي ومينـــــه

بحر الدموع إنتي بناره سبحتـــــــي
قلبي حضن دمعي وحزني سفينــــه

كان النهر زعلان وكانك رجعتــــي
أبي أرجع لحزني!! أسمع ونينـــــه

وإلا إرجعي وياي كانك سمعتــــــي
ونين الحزن اللي إنتي تبينـــــــــــه

نهر الحزن نادى دمعه ورفضتــي
نهر الحزن شفنا دموعه بعينــــــه

يبكي على دمعـــك كانك عشقتـــــي
أحلى البشر!!! وشلون ما تعشقينه؟

نهر الاحزان -_1_110

موضوع: رد: نهر الاحزان الأحد أغسطس 22, 2010 3:15 pm

بجد الموضوع جميل جدا وارجوا المزيد من المواضيع المتميزه

نهر الاحزان 213